Истрагата за автобуската несреќа привршува - бугарските експерти се сомневаат дека возачот ја надминал дозволената брзина

До крајот на идната недела се очекува да заврши истрагата за автобуската несреќа во Бугарија. Шефот на бугарската национална истражна служба, Борис Сарафов, за државната телевизија, изјави дека очекува до католичкиот Божиќ да пристигнат клучните вештачења кои ќе ги утврдат причините за трагедијата во која загинаа 45 лица.

Според истрагата, Сарафов вели дека автобусот на Беса-Транс се движел со брзина поголема од 90 километри на час и таа не била прилагодена со условите на патот. Несоодветната сигнализација ја отфрли како причина за несреќата. Возачот требало да има одоговорност за патниците и бил должен управувањето да го прилагоди на патните и временските услови.

Во земјава се води истрага за работата на компанијата Беса-Транс, но како што велат од обвинителството, во интерес на истрагата не се откривале детали за нејзинот тек.