Испразнето уште едно министерско место, се најавува поголема промена во владиниот состав
Напуштањето на министерската позиција на Самка Ибраимовски навестува поголеми промени во владиниот состав. Досега беше познато дека треба да бидат избрани министри за здравство и без ресор и заменик министер за образование.
Според информациите на МИА, ќе бидат направени и други промени во владиниот состав освен пополнувањето на испразнетите места. Во Владата најверојатно повеќе нема да учествува Алијансата за Албанците, а министерското место за здравство ќе го земе СДСМ.
Изборот на новите членови на Владата би требало да се случи следната недела.
Ибраимовски во Парламентот доаѓа на местото на Васко Ковачевски, кој денеска си поднесе оставка, и двајцата се од петата изборна единица.
- Не можам конкретно се да кажам, но ќе има еве конкретно на моето место, не е потполнето местото министер без ресор, за здравство... Ќе има доста новини и турбуленции во местата. Очекувам дека ќе има постабилна влада, дека ќе продолжат реформите, како што сме започнале, тука не застануваме и сметам дека ќе има квалитетни министри и од едната и од другата страна. Ќе покаже времето како ќе се движат работите. Но верувам во премиерот и во Владата дека ќе има просперитет и иднина во Република Македонија, изјави Ибраимовски за МИА.
За тоа зошто се решил министерската функција да ја смени со пратеничка, вели дека тоа е поради тоа што Ромите немаат претставник во Парламентот.
- На мојата министерска функција исто така ќе биде Ром интелектуалец, адвокат со големо искуство, и сметам дека ќе ја продолжи мојата програма и на мојот кабинет, изјави Ибраимовски.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ