Исламска држава употребила боев отров против Курдите во Ирак
Кудските автономни власти во северен Ирак соопштија дека џихадистите од групата Исламска држава (ИД) употребиле боев отров - иперит против борците на курдската Пешмерга.
Тие тврдат дека во борбите во северен Ирак, ИД употребила минофрлачки гранати наполнети со овој боев отров.
Според курдското Министерство за воени работи, во земените примероци од крвта на 35 припадници на Пешмергата, се најдени траги од сулфурен иперит.
Во соопштението не се даваат други детали, па засега нема информации дали во нападот со иперитот има мртви борци, како и колкумина од нив се ранети.
Иперитот е гас кој ја гори кожата по телото и предизвикува тешки последици врз распираторниот систем кај луѓето.
Боевите отрови се забранети според меѓународното право.
Нападите со иперит гасот биле извршени во борбите кај градовите Махмур и Гвер. Курдите побараа од земјите-членки на антиџихадиситчката коалиција да им испорачаат заштитна опрема за борба со боеви отрови.
Во март оваа година, курдските власти веќе ја обвинија ИД дека употребува боеви отрови на фронтот, а посебно хлор.
Ова не е прв пат, Курдите во Ирак да бидат жртви на напади со боеви отрови. Во 1988 година, во напад на силите на Садам Хусеин со хемиско оружје врз курдското село Халабџа, беа убиени повеќе од пет илјади лица, главно жени, деца и старци.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“