-->
-->
Иско: Во форма сум и барам место во тимот
-->
Секој во секого го вперува прстот, секој е виновен за лошите изданија на Реал од почетокот на новата сезона, а никој од фудбалерите не сака да преземе одговорност. Реал губи бодови каде што ќе стигне, во неделата загуби од новиот прволигаш Џирона и по десет кола веќе заостанува осум бода зад Барселона.
Најтешко поразот од Џирона го поднел претседателот Флорентино Перез, а најмногу му бил лут на тренерот Зинедин Зидан. Особено го погодила изјавата на Зизу, кој на новинарите им рекол дека „тимот имал лош ден“.
Исто така, шпанските медиуми пренесуваат дека напнато е и во соблекувалната на Реал. Како што пренесуваат шпанските медиуми, најголемо незадоволство има кај најдобриот играч на Реал од почетокот на сезоната, Иско.
Тој бил незадоволен што и покрај добрата форма во која се наоѓа, сè уште нема загарантирано место во првиот тим, каде што во предност се Кристијано Роналдо и Карим Бензема, иако овој двоец е исклучително неефикасен сезонава.
Наводно, Иско незадоволството го пренел на оние кои најчесто се резерви, поттикнувајќи се да се побунат против Португалецот.
Кристијано Роналдо лошо ја почна сезоната, а Иско и другите сметале дека е вистинско време за смена на генерациите бидејќи португалскиот ас има 32 години и според нив тој повеќе не смее да биде недопирлив.
На „бунтовниците“ не им се допаѓа и тоа што Герет Бејл не бил продаден во летниот преоден рок.
Прашање е како претседателот и тренерот ќе ги смират зовриените страсти во соблекувалната. Според медиумите, евентуална победа против Тотенхем во Лондон, во Лигата на шампионите, малку би ја вратила позитивната атмосфера не само кај играчите туку кај сите во клубот.
-->
-->
-->
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово