-->
-->
Иранските залихи на тешка вода кршат ограничувања
-->
Иранские залихи на тешка вода, што може да се искористи за производство на плутониум потребен за атомско оружје, ги надмина границите утврдени со нуклеарниот договор меѓу Иран и светските сили, објави Меѓународната агенција за атомска енергија (МААЕ).
За време на увид, откриено е дека иранските резерви „пораснале на 131,5 тони“ додека биле дозволени 130 тони. Тоа е првпат да се надмине лимитот откако Техеран во мај објави дека постепено ќе престане да се придржува кон договорот.
МААЕ изјави дека на 16 ноември добиле известување од Техеран дека резервите на тешка вода надминале 130 тони.
Тешката вода не е радиоактивна, но се користи во некои делови на нуклеарните реактори како средство за забавување на неутроните создадени за време на нуклеарната фисија. Производството на плутониум е алтернатива за збогатување ураниум за производство на атомска бомба.
Како одговор на еднострано повлекување на САД од нуклеарниот договор и наметнување санкции, Иран престана да се придржува кон голем број ограничувања уште од мај, вршејќи притисок врз европските потписнички да го помогнат да се справат со политиките на Вашингтон.
-->
-->
-->
Ново на Сител
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата
-
Повеќе скопски општини без струја