Иранските власти спречиле голем терористички заговор во Техеран
Иранската разузнавачка служба го спречи најголемиот терористички заговор организиран досега против Техеран и други ирански провинции, објави денеска иранската државна телевизија.
Според информациите од иранското Министерство за разузнавање, уапсени се неколкумина осомничени и запленети се муниција и бомби.
Имињата на приведените не се објавени, но во соопштението тие се наречени „такфири“, како што на арапски, навредливо, се нарелуваат радикалните сунити, кои ги сметаат другите муслимани за неверници.
Властите на шиитски Иран често ги нарекуваат „такфири“ и приврзаниците на сунитската радикална група Исламска држава (ИД), но не е јасно дали во случајов станува збор за членови на ИД, која контролира територии во Ирак и Сирија.
Иран им помага на владите на Сирија и на Ирак во борбата против ИД, и веќе ги предупредил дека може да има напад од екстремистите на нивните територии.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница