Свет
16. May 2019 - 13:56

Ирански генерал: Техеран е на работ на конфронтација со непријателот

Командантот на иранскиот корпус на Гардата на исламската револуција, бригаден генерал Хосејн Салами вчера изјави дека Техеран се наоѓа „на работ на целосна конфронтација со непријателот”.

-Овој момент во историјата претставува најрешавачкиот момент од исламската револуција, бидејќи непријателот стапна на полето на конфронтацијата со нас со сета можна моќ, истакна генералот, кој беше назначен на чело на елитната воена формација минатиот месец.

Генералот Салами во неделата изјави дека Иран ќе им нанесе на САД „удар по главата”, ако Вашингтон преземе против Техеран конкретни активности.

Во почетокот на мај САД испратија дополнителни воени сили во реонот на Блискиот Исток, вклучувајќи и носач на авиони, бомбардери Б-52 и ракетни системи „Патриот”. Пентагон соопшти дека овие активности се преземени како одговор на знаците за зголемена готовност од страна на Иран за напади против вооружените сили и интересите на САД во регионот