Иранската Револуционерна гарда демантира дека на Хутите им дала ракети
- Иранската Револуционерна гарда денеска ги негираше обвинувањата на Саудиска Арабија дека Техеран доставил ракети до јеменските бунтовници Хути, откако синоќа над Ријад беше пресретната ракета.
- Сите знаат дека сите рути за испраќање оружје во Јемен се блокирани. Јеменците постигнаа капацитет сами да произведуваат одбранбено оружје, вклучувајќи ракети, достигнување кое на Саудијците им е несфатливо, изјави иранскиот бригаден генерал Јадола Јавани.
Саудиските Воздухопловни сили претходно соопштија дека синоќа пресретнале ракета над североисточниот дел на Ријад, која наводно ја истрелале бунтовници Хути од Јемен.
Некои светски медиуми јавија дека биле истрелани повеќе ракети врз аеродроми во Саудиска Арабија, а дека една од нив била лансирана кон аеродромот во Ријад.
Саудиска Арабија за пресретнувањето на ракетите го активирала американскиот систем за противракетна одбрана „Патриот“, кој според снимки објавен на Интернет, не функционирал како што треба.
Имeно, една ракета експлодирала веднаш по лансирањето, додека другата се вратила во градот и погодила станбен дел.
Саудиската страна не коментира дали другите ракети ги погодиле целите или и тие биле соборени.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина