Ирак бара повлекување на турските војници од околината на Мосул
Владата на Ирак побара од Турција, веднаш да ги повлече своите војници, што беа испратени во околината на Мосул, кој од јуни минатата година се наоѓа под контрола на Исламска држава (ИД).
Во соопштението на ирачкиот премиер Хаидер ал Абади, објавено во Багдад, се вели дека ваквото решение на владата е донесено откако е утврдено дека турските војници „сериозно го прекршиле суверенитетот на Ирак“.
Околу 150 турски војници се стационирани во реонот на градот Башика за да помогнат во обучувањето на силите на ирачките Курди.
Во службеното соопштение на ирачката влада, се повикува Турција „да ги почитува добрососедските односи и без одлагање да ги повлече своите војници кои сега се на ирачката територија“.
Аналитичарите во Багдад посочуваат на необичната ситуација- Турција да има добри односи со курдската автономна област во Ирак, но крајно непријателски да се однесува кон Курдите во Сирија, во близината на сириско-турската граница.
Паѓањето на Мосул, вториот по големина град во Ирак, се означува како клучен момент за подемот на ИД.
Ирачката армија најавуваше офанзива за ослободување и преземање назад на Мосул, но таа на неколкупати беше одложувана.
Ново на Сител
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак