Ирачки воен авион се урна во регион под контрола на Исламска држава
Портпарол на ирачката армија денеска изјави дека ирачки разузнавачки авион вчера се урнал за време на мисија над регион во северен Ирак, контролиран од Исламска држава, пренесоа американските медиуми.
Портпаролот на Обединетата команда на ирачките вооружени сили, бригадниот генерал Јахија Расул, прецизира дека леталото, едномоторен турбо авион „Цесна-208 Караван“, се урнал вчера додека го прелетувал воздушниот простор над градот Хавиџа, на 210 километри северно од Багдад.
Расул дополни дека е во тек истрага која ќе треба да ги утврди причините за несреќата, како и судбината на екипажот.
Агенцијата Амак, која се поврзува Исламска држава, тврди дека групата го соборила авионот и денеска објави видео снимка на која авионот паѓа кон земја, а околу неговите остатоци се собираат нејзини борци.
Американските меидуми забележуваат дека засега не може да се потврди автентичноста на снимката од независен извор.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација