Интервенирале 4 противпожарни возила - Пожар во Битола, две лица повредени
Експлозија на плинска боца предизвикала пожар во куќа на улицата „Пореч“ во Битола.
Од Територијалната против пожарна единица-ТППЕ информираат дека пожарот се случил доцна синоќа и притоа интервенирале со 4 противпожарни возила.
-Улицата „Пореч“ е на тешко пристапен терен во високата зона на населбата „Баир“ и дејствувањето беше проблематично но сепак нашите екипи успеаја да го изгаснат огнот и да спречат поголема несреќа, посочуваат од ТППЕ-Битола.
Од пожарот предизвикана е материјална штета која дополнително ќе се проценува, а два од пет членови на семејството заради изгореници пренесени се во битолскиот Клинички центар.
Од ТППЕ-Битола апелираат граѓаните кои не знаат да користат плински уреди и други средства што предизвикуваат пожар да не ги употребуваат и постојано да ја контролираат исправноста на оџаците.
-Најголем дел од интервенциите од почетокот на годината ги извршивме на повик поради пожар предизвикан од неисправен оџак. Во 28 интервенции дури 18 се поврзани со запален оџак и затоа граѓаните треба да се уверени дека само чист оџак е безопасен оџак, велат од ТППЕ-Битола.
Ново на Сител
-
Демири: Владата ги презеде трошоците за лекувањето на Леонид Индов
-
Народниот правобранител со бесплатна телефонска линија за пријавување повреда на избирачко право
-
Демири најави разрешување на медицинскиот директор на Токсикологија
-
Кочанчанец за една ноќ извршил шест кривични дела
-
Почина затвореник во „Идризово“
-
Демири: Приватните специјализанти по изборите ќе добијат поголем надомест
-
Лекари од Токсикологија на прес-конференција алармираат за хаос на Клиниката
-
Во Струмица оштетен билборд на претседателскиот кандидат Бујар Османи