Интервенции на екипите на Град Скопје по обилните врнежи
Град Скопје соопшти дека екипите на Штабот за заштита и спасување на градот интервенирале на неколку локации по невремето проследено со дожд и град што попладнето го зафати Скопје и околината.
Како што информираат од Град Скопје на поголем број локации во Скопје имало поплавени делови. Интервенирано било кај подвозникот на булеварот Киро Глигоров, кај Бриколаж, и кај клучката кај хотелот Континентал.
- На овие локации краток период се создадоа потешкотии во одвивањето на сообраќајот, а по интервенцијата на екипите на штабот за заштита и спасување на Град Скопје, состојбата се нормализира и сообраќајот се одвива непречено и без застој, се наведува во соопштението.
Од Град Скопје посочуваат дека и во наредниот период ќе ја следат состојбата на терен и доколку има потреба соодветно ќе интервенираат.
- Покрај на сообраќајниците кои се во надлежност на Градот Скопје, поголемата концентрација на дожд предизвика и поплави на повеќе улици кои што се во општинска надлежност. Градот Скопје апелира до општините во Скопје да инвестираат повеќе средства и да вложат поголеми напори во подобрување на атмосферската мрежа на локалните улици кои што се во нивна надлежност, се вели во соопштението.
Ново на Сител
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор