Инфо денови за ИПАРД Програмата 2014-2020
Инфо денови за ИПАРД Програмата 2014-2020 ќе се одржат од денеска до 31 октомври, четврток, а имаат за цел да ги претстават сите можности за искористување на средствата од ИПАРД Програмата 2014-2020.
Инфо деновите ќе се одржат на четири локации и тоа, денеска во 11 часот во Сала на Општина Македонски Брод, утре во 11 часот во Сала на Општина Ресен, задутре во 10 часот во ресторан „Кристијан“, Маврово и во 14 часот во Сала на Општина Дебар.
Како што соопшти Атанас Прчев од „Идеа Лаб“, претставниците на Телото за управување со ИПАРД фондовите при Министерството за земјоделство, шумарство и водостопанство и Агенцијата за финансиска поддршка во земјоделството и руралниот развој, во рамките на Кампањата за Публицитет на ИПАРД 2014-2020, веќе одржаа десет инфо денови и еден форум.
Голем број на потенцијални корисници ги посетиле информативните денови и биле посебно заинтересирани за мерка седум „Диверзификација на фарми и развој на бизниси“ посебно поради фактот што Повикот број 01/2019 за оваа мерка е отворен до 18 ноември 2019 година.
– Оваа мерка овозможува инвестиции во модернизација на постоечките или отворање на нови погони за производство на тестенини, пијалоци, колачи, пекарски производи, фарми за одгледување на зајаци, дивеч, насади за дрва и дрвена маса, аквакултурни фарми за слатководна риба, сместувачки капацитети како и отворање на ресторани. Согласно Програмата, до 65 отсто од прифатливите трошоци за реализираната инвестиција ќе им бидат вратени на барателите-корисници на средствата од ИПАРД Програмата 2014-2020, стои во соопштението.
Информациите околу јавниот повик 01/2019, потребните документи, инфо деновите и информативното видео сите заинтересирани може да ги погледнат на веб страниците на Телото за управување со ИПАРД фондовите (www.ipard.gov.mk), Министерство за земјоделство, шумарство и водостопанство, Агенцијата за финансиска поддршка во земјоделството и руралниот развој и Агенцијата за поттикнување на развојот на земјоделството.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.