Бизнис
28. September 2015 - 19:06

Индустриското производство во осумте месеци од годинава со раст од 1,7 отсто

Индустриското производство во првите осум месеци од годинава бележи раст од 1,7 проценти, а во август годинава во однос на август лани пораст од 2,7 проценти, објави Државниот завод за статистика.

Гледано по сектори, индустриското производство во секторот Рударство и вадење на камен во август 2015  година, во однос на август 2014 година, бележи пораст од 18,2 отсто, во секторот Преработувачка индустрија пораст од 8,4 отсто, а во секторот Снабдување со електрична енергија, гас, пареа и климатизација пораст од 45 проценти.

Според главните индустриски групи, производството во август 2015 година, во однос на август 2014 година, бележи пораст кај Енергија за 39 проценти, Интермедијарни производи, освен енергија за 3,1 отсто, Капитални производи за 14,6 отсто, Трајни производи за широка потрошувачка за 10,1 отсто и Нетрајни производи за широка потрошувачка за 12,6 отсто.