Индонезија почна со тестирање на кинеска вакцина против коронавирус
Индонезија денеска почна со тестирање на вакцина против коронавирус, изработена од лабораторијата Синовац Биотек, на 1.600 волонтери.
Наречен Коронавак (Coronavac), таа е една од ретките вакцини во последната фаза од клиничките испитувања пред да добие дефинитивно одобрение за употреба. Тестирањето на вакцината е предвидено да трае до февруари.
Вакцината во исто време се тестира на 9.000 волонтери во Бразил, втора најтешко погодена земја од пандемијата на коронавирусот по САД.
Гувернерот на провинцијата Западна Јава, која има најмногу население во Индонезија, е еден од 1.620 лица кои треба да учествуваат во клиничките испитувања на вакцината, кои се предвидени да траат до февруари.
Доколку по овие тестови се покаже дека вакцината не е опасна и е ефикасна, индонезиските власти предвидуваат дека ќе произведат голем број дози за тој голем архипелаг со 270 милиони жители.
Индонезискиот претседател Џоко Видодо денеска ја посети фабриката во градот Бандунг во центарот на островот Јава, која ја води државната фармацевтска компанија Био Фарма, која треба да ја произведе вакцината.
– Уште еднаш потенцирам дека заканата од Ковид-19 нема да заврши сè додека не се вакцинираат сите Индонезијци, нагласи Видодо.
Ново на Сител
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184