Свет
20. January 2021 - 10:04

Индија почнува со испорака на вакцини за соседните земји

Индија, еден од водечките светски производители на лекови, од денеска бесплатно ќе почне да снабдува шест соседни земји со вакцина против новиот коронавирус.

Првите залихи на вакцини во рамки на програмата за бесповратна помош пристигнуваат во Бутан, Малдиви, Бангладеш, Непал, Мјанмар и Сејшелите, потврди Министерството за надворешни работи.

Според Министерството, ќе бидат потврдени и нарачките за вакцини произведени во Индија од Шри Ланка, Авганистан и Маврициус, по одобрување од тамошните регулаторни тела.

Индиската агенција за лекови издаде итно одобрување за употреба на две вакцини против Ковид-19. Зелено светло доби вакцина изработена во соработка на Универзитетот Оксфорд и фармацевтската компанија „Астра Зенека“, како и вакцина од индиската компанија „Бхает биотек“.

Индија во саботата започна програма за вакцинација на околу 300 милиони луѓе.