Инцидент на протестот против Договорот од Преспа пред грчкиот Парламент
На протестот против Договорот за името од Преспа што се одржа вечерва пред грчкиот Парламент во Атина дојде до инцидент кога поголема група маскирани лица се судри со полицијата, јави дописничката на МИА од Атина.
Маскираните лица ги нападнаа специјалците со пиротехнички материјали и разни предмети, а полицијата одговори со солзавец. Според првичните информации, приведени се три лица, а едно е повредено.
За време на инцидентите маскираните лица вербално ги нападнаа новинарите и побараа тие да се одалечат од местото каде што тие ја напаѓаа полицијата. Не дозволуваа да се снима или фотографира.
Мала група демонстранти, која не го предизвика инцидентот, вечерва остана пред грчкиот Парламент.
Групата брои околу педесетина лица кои седнати на земја извикуваат пароли, а ја пееја и грчката химна.
Претходно, лицата што протестираа извикуваа слогани дека Македонија е грчка, пароли против владата и против Договорот за името од Преспа, со пораки до политичарите дека се предавници.
„Скопјане, Скопјане никогаш нема да го земеш името", „Предавници" „Македонија е грчка“, беа дел од извиците на протестот, јави дописничката на МИА од Атина.
Меѓу насобраните имаше и припадници на Златна зора кои делеа и фрлаа флаери со порака дека Македонија е грчка, политичарите се предавници, а единствена надеж за земјата е Златна зора.
Протестот не беше масовен. Беа затворени неколку улици околу грчкиот Парламент, а има и силно полициско обезбедување.
Меѓу демонстрантите имаше луѓе од сите возрасти, но и свештени лица.
Протест беше најавен и во Солун.
Ново на Сител
-
Во Општина Тетово до 17 часот гласале 34.466 луѓе или 40,53 отсто од вкупниот број гласачи
-
Хамас објави видео од израелско-американски заложник
-
Русија и Украина договорија размена на деца одвоени од своите семејства
-
Даштевски: Има прекин на 3 места во Куманово
-
Излезноста до 17 часот е 44,18 отсто
-
Во општина Гостивар гласале над 20 илјади граѓани
-
До 15 часот во Велес излезеноста 38,93 отсто, во Чашка 37, а во Градско 41,64
-
МВР: Регистрирани пет нови инциденти при гласање ширум државата