Илјадници луѓе во Британија евакуирани поради детонација на бомба од Втората светска војна
Неексплодирана бомба од Втората светска војна откриена во англискиот град Ексетер, на приватно земјиште во близина на локален студентски дом, ќе биде детонирана, соопшти полицијата.
„Илјадници лица се евакуирани од домовите во градот каде властите сè уште ја испитуваат експлозивната направа“, пренесува „Гардијан“.
Полицијата денеска направи кордон околу бомбата, долг 400 метри, а 2.600 домаќинства беа евакуирани во петокот вечерта и денеска.
Покрај домаќинствата, беа испразнети и 12 универзитетски сали во зградата, а исто така се евакуирани и 1.400 студенти од кампусот.
Универзитетот во Ексетер потврди дека студентите биле префрлени во хотели и добиле „предмети за лична употреба и храна“.
Портпарол на полицијата во Девон и Корнвол изјави дека времето на детонацијата сè уште не е познато, но додаде дека е планирана контролна детонација и тоа може да се случи вечерва.
Ново на Сител
-
ТЕЦ Неготино нова подружница на АД ЕСМ
-
Португалија без Роналдо против Шведска
-
Сообраќајна несреќа на патот Прилеп - Битола, сообраќајот се пренасочува
-
Реал поднесе жалба против судијата кој не ги регистрира навредите кон Винисиус
-
Циклон на северот на Австралија, 700 луѓе останаа блокирани од остатокот од земјата
-
На 42-годишна возраст почина момчето на Арина Сабаленка
-
Кари се искачи на 30. место на листата на најдобри стрелци на сите времиња во НБА
-
На патот Крива Паланка – ГП Деве Баир да се управува внимателно, се работи на патот и има одрони