Илиоски со нокаут во првата рунда го совлада Граналди

Бобан Илиоски синоќа во Рим со нокаут во првата рунда го совлада Габриеле Граналди во категоријата до 83 килограми, а борбата беше во шест рунди.

Илиоски тргна силно, му броеја еднаш, па уште еднаш, но во наредниот напад Граналди уште еднаш се најде на подот и тоа беше крај.

Тренерот Дејан Митровски Урко изјави дека Бобан тренира трипати дневно секој ден и на тренинзите постојано го дава максимумот од себе и борбите во изминатиот период му се резултат од сработените тренинзи и спортскиот режим на живот.

- Сакам да кажам дека Боби се уште не го има постигнато максимумот од својата форма која ја темпираме за престојните светски првенства при крајот на годината во Кик Бокс во Италија и Маи Таи во Бангкок.