Македонија
15. March 2019 - 15:01

Игор Југ: Се чувствувам понижен, требаше и јас 15-ка да изедам

Осудениот за насилствата од Собранието, Игор Југ, во својот говор денеска порача дека никогаш не би ги предал своите татковини, а во ваква ситуација, во неговата вистинска татковина – Хрватска, би бил прогласен за херој.

„Постојат две предавства што човек може да ги направи. Првото е да си ја предаде татковината, а второто е да си го предаде семејството. Многу сум горд што никогаш не сум ги предал моите две татковини. Вие оценете дали сум човек кој би предал семејство во кое мојата сопруга е самохрана мајка на четири малолетни деца. Финансиската состојба ми е, што би рекле во Куманово, „голо куче би побегнал“. Терористи се кријат во африкански, јужноамерикански држави. Својата слобода ја плаќаат со милионски суми. Со што би ја платил слободата?. Би дресирал кучиња на Орбан? Се чувствувам понижен, требаше и јас 15-ка да изедам. Немам што да ви кажам. Ќе ве поздравам на мојот мајчин јазик „За дом спремни, увјек и навјек“, рече Југ.