Фудбал
2. July 2016 - 15:29

Ибра и официјално кај Мурињо

Шведскиот фудбалер Златан Ибрахимовиќ (34) од петокот и официјално стана член на Манчестер Јунајтед.
 
Ибрахимовиќ на „Олд Трафорд“ пристигна во голем стил со хеликоптер, а откако ги мина лекарските прегледи го парафираше едногодишниот договор, според кој ќе заработува 260.000 евра неделно, односно 12,4 милиони евра годишно.
 
Манчестер Јунајтед ќе биде осмиот клуб во кариерата на Ибрахимовиќ, кој претходно настапуваше за Малме, Ајакс, Јувентус, Интер, Барселона, Милан и ПСЖ.
 
Во Манчестер Јунајтед тренер ќе му биде Жозе Мурињо со кого соработуваше во Интер. Во кариерата Ибрахимовиќ има одиграно 677 натпревари на кои има постигнато 392 гола. Минатата сезона во ПСЖ му беше најуспешна во кариерата, тој постигна 50 голови.