Тенис
28. October 2016 - 12:55

И Вавринка го теши Ѓоковиќ

Стан Вавринка, третиот на АТП листата на тениските професионалци, рекол дека и приватните проблеми влијаеле врз формата на најдобриот во светот, Новак Ѓоковиќ.
 
„Апсолутно го разбирам Ѓоковиќ. Она што сега му се случува мора да се погледне од поширока перспектива. Три години само победуваше, победуваше и победуваше. Покрај тоа тој имаше и други проблеми во приватниот живот кои му одмогнаа. Сепак, сигурен сум дека наскоро повторно тој ќе биде стариот Новак“, рекол Вавринка во интервју за швајцарскиот „NZZ“.
 
Вавринка, на последниот грен слем во сезоната, УС Опен, го победи Ѓоковиќ со 3-1 во финалето и ја освои третата своја титула, во исто толку финалиња на грен слем титулите.
 
Швајцарецот има по една титула во Мелбурн, Париз и Њујорк, а за комплетирање на грен слем му недостигна титулата од Вимблдон.