Балкан
20. February 2020 - 19:27

И Словенци меѓу заразените со коронавирус на крузерот Принцес Дајмонд

Министерството за надворешни работи на Словенија потврди дека меѓу заразените патници со коронавирусот на крузерот Принцес Дајмонд има и словенечки државјани.

Како што јави дописникот на МИА од Љубљана, од шестте Словенци кои беа на бродот, двајца се заразени, двајца се здрави, а за две лица се уште се чекаат резултатите. Заразените се веќе во болница каде им се укажува соодветна медицинска помош.

Во меѓувреме се прават последните подготовки за враќањето на словенечките граѓани назад во земјата. Властите соопштија дека во текот на денот детално ќе информираат кога и како ќе се спроведе враќањето на лицата кои со недели беа во карантин на крузерот.