И ЕУ со нови санкции за Северна Кореја
Европската унија денеска усвои нови санкции против Северна Кореја, со кои се воведува целосна забрана на ЕУ инвестиции, како и забрана за извоз на нафта и нафтени деривати.
Исто така, нема да бидат обновени и работните визи за Севернокорејците во сите земји на ЕУ, со исклучок на бегалците кои се под меѓународна заштита.
Досегашните санкции на ЕУ ги ограничуваа инвестициите во нуклеарната, вооружената, рударската, авионската, преработувачката и хемиската индустрија, како и во металургијата.
ЕУ воведува целосна забрана за продажба на сурова и обработена нафта на Пјонгјанг.
Сумите, кои беа испраќани за граѓаните на Северна Кореја отсега ќе бидат ограничени на 5.000 евра, а не како досега на 15.000 евра, бидејќи се претпоставува дека парите се користат за поддршка на развојот на нуклеарно оружје и балистички ракети.
Советот на ЕУ на црната листа додаде тројца граѓани и шест организации од Северна Кореја, на кои би можело да им биде одземен имотот и да им бидат ограничени патувањата.
Дополнителните санкции се предизвикани од постојаните закани од страна на Пјонгјанг за меѓународниот мир и стабилност.
Денешните мерки се во согласност со санкциите на Советот за безбедност на ОН и веднаш стапуваат во сила.
Претходно и рускиот претседател Владимир Путин потпиша декрет со кој се воведуваат ограничувања за Северна Кореја со цел да ја усогласи политиката со резолуцијата на Советот за безбедност на Обединети нации. Резолуцијата за економските мерки е усвоена како одговор на ракетната проба на Пјонгјанг кон крајот на 2016 година.
Ново на Сител
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица