Хуманитарен базар во Гевгелија
Здружението „Православна жена“ од Гевгелија беше организатор на третиот хуманитарен базар „Свети Никола дарува, свети Никола подарува“ кој се одржа во дворот на црквата „Свети Кирил и Методиј“ во Гевгелија со цел да се помогне нејзината реконструкција која влезе во завршна фаза.
Пред влезот на црквата беа изложени разни подароци и посни колачи кои гостите можеа да ги купат и со тоа, како што кажа отец Русе Жековски, несебично да го помогнат големото и целосно обновување на црквата, особено фрескоживописот кое е прилично скапо дело како и обновувањето на крстилницата и канцелариите кои ќе добијат поубав изглед.
-Задоволни сме од организацијата и ефектот на хуманитарниот базар чии што посетители дадоа голем придонес акцијата да биде многу успешна. Големиот број посетители од Гевгелија и околината уште еднаш покажаа дека знаат да препознаат каде навистина се твори и гради, рече отец Жековски.
За веселата атмосфера на хуманитарниот базар се погрижија дечињата кои вредно вежбаа и ги пееја песните со кои се подготвуваат за бадниковата поворка која ќе се организира по улиците на Гевгелија.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња