Хрватскиот премиер негативен на коронавирус
Премиерот Андреј Пленковиќ се тестираше за присуство на коронавирус во неделата и тестот беше негативен, потврди портпаролот на хрватската Влада, Марко Милиќ.
Премиерот се тестираше откако во саботата се одржа состанок во Владата, на кој присуствуваше и министерката за туризам и спорт, Николина Брњац на која вчера и беше дијагностициран коронавирус.
„Во согласност со препораките на епидемиолозите, премиерот Андреј Пленковиќ вчера изврши тест за присуство на коронавирус.Наодот е негативен”, објави владиниот портпарол Марко Милиќ.
Во саботата, Владата одржа состанок за подготовка на Националната стратегија за развој на Република Хрватска до 2030 година и Националниот план за обновување и издржливост, како и за борбата против Ковид-19, а учествуваше и министерката Брњац.
Брњац одлучи да се тестира во недела откако ги почувствувала симптомите на болеста. Таа е во добра здравствена состојба со лесна клиничка слика, изјави владиниот портпарол.
Самоизолација им беше изречена на министерот за труд, пензиски систем, семејство и социјална политика Јосип Аладровиќ и министерот за економија и одржлив развој Томислав Чориќ, коишто седеа покрај министерката Брњац. На другите присутни им беше дадена мерка за пасивен надзор и препорака за засилен здравствен надзор, со задолжително тестирање на коронавирус.
Ново на Сител
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“