Хрватска со највисоко ниво на корупција меѓу членките на ЕУ
Хрватска е членка на Европската унија со највисоко ниво на корупција во јавните набавки и зедно со Романија и Бугарија спаѓа меѓу најкорумпираните држави во ЕУ, покажа истражувањето нарачано од Европскиот Парламент, а спроведено од институтот РАНД Европа, јавија хрватските медиуми.
Хрватска, Романија и Бугарија ја предводат групата од четиринаест земји на ЕУ кои имаат надпросечно ниво на корупција, се наведува во истражувањето, а по индексот на ризик од корупција во јавните набавки Хрватска е на самиот врв, пред Кипар, Литванија и Романија.
Хрватска, Бугарија, Романија и Литванија заради корупцијата годишно губат околу 15 отсто од својот БДП.
Анализата на непрофитниот институт РАНД Европа, што се темели на три сценарија и неколку методолошки пристапи, покажа дека корупцијата годишно ја чини Европската унија меѓу 179 и 990 милијарди евра.
Корупцијата има значајно општствено и политичко влијание бидејќи ги поттикнува нееднаквоста, организираниот криминал, послабото владеење на правото, полошата излезност на изборите и недовербата кон европските институции, се наведува во истражувањето.
Од овие причини РАНД Европа предлага законски и регулаторни мерки на државно ниво, а една од нив е проширување на Заштитниот механизам за соработка и проверки (ЦВМ) на поголем број членки на ЕУ.
ЦВМ механизмот е мерка која ја воведе Европската комисија во пресрет на влезот на Романија и Бугарија во ЕУ како помош за нивните правосудни реформи, односно борбата против корупцијата и организираниот криминал.
Воведувањето на овој механима во Хрватска, според едно од сценаријата, годишно на земјата може потенцијално да и заштеди околу 2,2 милијарди евра, а на Европската унија околу 70 милијарди евра, се оценува во истражувањето, пренесе Хина.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација