Балкан
29. May 2017 - 21:43

Хрватска: Директните странски инвестиции во 2016 година изнесувале 1,7 милијарди евра

Според податоците на Хрватската централна банка директните странски инвестиции во земјата во текот на минатата година изнесувале 1,706 милијарда евра или за 1,5 милијарда повеќе во споредба со 2015 година, пренесе Хина.

Според податоците на Централната банка, во 2015 година директните странски инвестиции во земјата биле за приближно 77 проценти помалку од 2014 година.

Најголем дел во директните странски инвестиции во минатата година имала Италија (1,897 милијарда евра), следена од Холандија (539 милиона) и Луксембург (275 милиона).