Хоти: Главен преговарач со Србија ќе бидам јас, согласно Уставот на Косово
Новиот премиер на Косово Авдулах Хоти вели дека тој ќе го води дијалгот за нормализирање на односите со Србија, затоа што тоа е негово право и обврска согласно Уставот на Косово, јави дописникот на МИА од Приштина.
Во интервју за косовската јавна телевизија РТК, Хоти се повика на одлука на Уставниот суд на Косово од 2019 година, според која премиерот, а не претседателот на државата, во случајот Хашим Тачи, е тој што ја претставува земјата во преговори на меѓународен план.
Новиот премиер на Косово, избран завчера, на 3 јуни, информира дека истиот ден, недолго по изгласувањето на неговиот предлог за составот на новата косовска Влада, разговарал со посредникот на Европската унија за дијалогот меѓу Косово и Србија, словачкиот дипломат Мирослав Лајчак.
Тој рече дека контактирал и со шефот на дипломатијата на ЕУ, Хосеп Борел, како и со другите институции, на кои им кажал дека тој ќе биде главниот преговарач со Србија.
– Веднаш по изборот јас имав контакт со Лајчак и нему му се јасни нашите ориентации во однос на дијалогот. Ги воспоставивме првите контакти со него, како и со Борел и другите институции. Што се однесува до начинот како ќе се одвива дијалогот, тоа е јасно: главен преговарач сум јас. Тоа го вели Уставот, не јас, изјави Хоти.
Според новиот косовски премиер, погрешно е да се избира кој од меѓународните фактори ќе посредува во преговорите Приштина – Белград.
– Јас нема да ја направам грешката со избирање меѓу Соединетите Американски Држави и Европската унија. Ние сме и со САД и со ЕУ, изјави Хоти.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово