Хотелски коплекси ќе се градат покрај Велешко езеро

Нови хотелски комплекси ќе се градат покрај велешкото езеро Младост. Локалната самоуправа објави оглас за продажба на две парцели со вкупна површина од околу 15 илјади метри квадратни. Според огласот за продажба, предвидено е хотелите да имаат по три ката и површина од над 20 илјади квадратни метри. Почетната цена за купување на земјиштето изнесува 283 денари по метар. Од локалната самоуправа велат дека континуирано расте интересот за градба покрај Младост. Поради ова општината работи на инфраструктурно уредување.

Освен парцели за хотели, покрај езерото Младост се нудат и 25 локации за викендици. Типската населба ќе брои околу 50-тина викенд куќи.

Инаку подолг период, локалните власти работат на уредување на крајбрежјето на езерото. Поставени се летниковци, се градат плажи, се уредува пешачката патека. Се надеваат дека токму ова ќе го зголеми и бројот на посетители.