Балкан
11. July 2019 - 21:58

Хоророт на Халкидики снимен од воздух: Ова се вистинските размери на катастрофата што ја погоди Грција

Бројот на загинати во силното невреме на Халикидики порасна на седум откако денеска е пронајдено телото на маж во областа меѓу Созопол и Неа Каликратија, јавува Катимерини,

Објавени се и првите фотографии од Халкидики снимени од воздух. Форензичарите ќе истражуваат дали телото му припаѓа на 62-годишниот рибар која исчезна во морето кај Каликратија во средата вечер.

Портпаролот на грчката влада Стелиос Пецас рече дека ќе биде понудена помош за три општини на Халкидики заради реконструкција.

Тој додаде дека сервисот, со кој се испраќаат предупредувања на мобилни телефони се уште не е во функција во Грција и порача дека е приоритет на владата да го активира.

Меѓу настраданите во невремето се и две деца, додека над 100 се повредени, вклучувајќи и шест српски државјани.

Шефот на грчката дипломатија Николаос Дендијас упати сочуство до семејствата и пријателите на жртвите и порача дека надлежните екипи работата на тоа да се санираат штетите, најбрзо што може.

Во здравствениот центар во Мудања се прегледани 120 лица по силното невреме што го погоди полуостровот Халкидики, соопшти грчкото Министерство за здравство.

Од 120 лица, 9 се хоспитализирани во болницата „Папаниколау“ во Солун, каде една жена се наоѓа на интензивна нега, 12 се сместени во болницата Полигрос на Халкидики, а пет деца во Гениматас со полесни повреди.

Сите болници и здравствени центри на северот од Грција се ставени во состојба на подготвеноста, пренесе АНА.

Да потсетиме, бурата беше толку силна што од ударот потоа смачка камп приколка во која настрадаа двајца постари чешки туристи, а еве како изгледа возилото:

Погледнете како изгледа Халкидики по катастрофата.