Холандски владини програми за поддршка на македонски мали и средни компании
Во присуство на бизнис консултанти и претставници од владини и невладини организации кои соработуваат и го поддржуваат приватниот сектор, денеска во Скопје беа презентирани холандските владини програми за поддршка на македонски мали и средни компании.
Како што соопшти Холандската амбасада во земјава, целта на презентацијата беше промоција и поттикнување на интересот за користење на програмите од страна на македонските мали и средни претпријатија.
Холандските програми нудат бесплатна помош на македонските претпријатија, во вид на трансфер на знаења за унапредување на компаниите од страна на холандски експерти, субвенции за испитувања на пазарот и инвестициските можности, финансиска поддршка на мали и средни бизниси, како и програма за обуки на македонски менаџери во Холандија и размена на искуства со нивни холандски колеги.
На промоцијата беше презентиран и бизнис порталот www.balkanbusiness.nl кој нуди бесплатни деловни информации и бизнис вести од Холандија, Албанија, Македонија и Косово. Порталот вклучува низа функционалности како алатка за спојување компании кои нудат или се заинтересирани за соработка. Користењето на сите функционалности на порталот е бесплатно.
Пред присутните се обрати холандскиот амбасадор Воутер Пломп кој искажа задоволство за покажаниот интерес за програмите на холандската влада и упати поддршка за интензивирање на холандско-македонската бизнис соработка.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари