Хјуман рајтс воч тврди дека Грција на сила враќа мигранти во Турција
Меѓународната организација за заштита на човековите права Хјуман рајтс воч (ХРВ) ја обвини Грција дека насилно ги враќа во Турција оние мигранти кoи илегално пристигнуваат на нејзина територија.
Организацијата бара грчките власти под итно да спроведат истрага за тврдењата на 26 мигранти, кои изнеле сведочења дека биле изложени на насилство од страна на „грчката полиција и неидентификувани лица во униформи и со маски“, со цел да се вратат од Грција во Турција.
Според ХРВ, повеќе од овие случаи биле забележани на копнената граница меѓу Грција и Турција, долж реката Марица, во периодот меѓу април и ноември годинава.
Изминативе години Грција во неколку наврати беше обвинувана за протерување и присилно враќање на илегалните мигранти во Турција, но властите во Атина ги отфрлаа таквите обвинувања.
Според официјалните податоци, годинава е забележано драстично зголемување на бројот на мигранти кои се обидуваат да влезат од Турција во Грција по копнен пат.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок