Хилари Клинтон ќе основа сопствено политичко движење

Кандидатката на Демократската партија на минатогодишните претседателски избори во САД, Хилари Клинтон, синоќа најави дека планира да создаде ново движење наречено „Заедно напред“, што ќе пропагира политичка ангажираност и ќе се спротивставува на активностите на американскиот претседател Доналд Трамп. 

Оваа најава, како што јави ДПА, претставува враќање на Клинтон на политичката сцена. 

- Во текот на последните неколку месеци размислував, поминував време со семејството, и да, шетав во шумата, наведе Клинтон на нејзиниот Твитер налог.

- Повеќе од кога било сметам дека политичката ангажираност на граѓаните е од витално значење за нашата демократија. Исклучително сум инспирирана од сите, кои почнаа да организираат и водат. Оваа година не беше тоа што го предвидував, но знам за што ќе се борам: една љубезна, со широко срце, инклузивна Америка. Напред!, стои во објавата на Хилари.