Балкан
19. February 2016 - 12:19

Херој на денот: Грчки рибар спасил 60 бегалци

Грчки рибар спасил 60 бегалци, меѓу кои 20 деца и бебиња, 11 наутички милји од брегот на североисточниот грчки град Александрополис.

Рибарот изјави дека додека бил на риболов слушнал повици за помош и забележал чамец со бегалци. Тој ги качил на неговиот брод и безбедно ги пренел до грчкото пристаниште, каде што биле пречекани од локалните власти.

Бегалците ќе бидат идентификувани, а потоа ќе бидат испратени до локалниот камп за бегалци каде ќе останат се додека не им се издадат документи кои им се неопходни за патување.