Хашим Тачи: Опозицијата сака насилно да ја преземе власта
Потпретседателот на косовската влада и шеф на дипломатијата, Хашим Тачи, смета дека блокирањето на работата на парламенетот, од страна на опозицијата не се прави за да се оспорат владините договори, туку, според него, опозицијата сака насилно да ја преземе власта.
Во интервју за тиранската телевизија Топ-чанел,Тачи вели дека нема да се дозволи во Косово да се повторат насилства како во земјите во регионот.
- Употребата на солзавец во Собранието на Косово, слободно можам да кажам дека е грозен, иритирачки чин на лидерите на опозицијата во Косово. Власта не се добива со солзавец, ни со ножеви и метални прачки, ни со вооружени лица во Собранието. Ние нема да дозволиме да се повторат лошите настани од другите земји во регионот. Затоа, мојата порака е за единство меѓу сите граѓани на државата, изјави Тачи.
Зборувајќи во име на најголемата политичка партија во земјата, Демократската парија, чик лидер е тој, Тачи додава дека последните случувања во косовското Собрание нема да влијаат ни врз односите во владината коалиција, ни пак на одржување предвремени избори.
- Може да соопштам дека нема да има ни проширување на владината коалиција, ни техничка влада, ни предвремени избори. Туку ќе има функционирање на инситуциите во целосна смисла на зборот. Парламентарните избори ќе се одржат во јуни 2018 година. Лидерите на опозицијата треба да имаат трпение и да се подготват за тие избори, порачува Тачи и ги повикува партиите да се вратат во парламентот.
Во споменатото интервју тој искажува голема убеденост дека Косово ќе стане членка на УНЕСКО и покрај противењето на Србија. Според него членството на Косово во УНЕСКО ќе отвори една нова перспектива во областа на образованието и културата за младите во Косово.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.