Харден изедначи личен рекорд, Рокетс ги победи Спарс
Тимот на Хјустон Рокетс го надигра дома Сан Антонио Спарс со 111:105 во средба од регуларниот дел од сезона на НБА.
Домаќините почнаа подобро средбата и поведоа со цели 12 поени по крајот на првата четвртина – 36:24. Во втората тие ја зголемија предноста, која достигна 19, а на големиот одмор заминаа со +15 – 62:47.
Паузата се одрази добро на Спарс, кои се вратија во дуелот, освојувајќи го третиот дел со 34:19. Во решавачката сепак тие немаа одговор за ѕвездата на „ракетите“ Џејмс Харден и загубија на крајот натпреварот.
Најпрецизен за победниците беше токму „брадата“, кој реализираше 61 поен, со што го израмни претходното највисоко достигнување во еден натпревар.
Хјустон поведе со две победи пред четвртиот во Западната конференција Портланд Трејлблејзерс, додека поразот го турна Сан Антонио до осмото место на Западот.
Во следните дуели „ракетите“ гостуваат на Њу Орлеанс Пеликанс, а Спарс патуваат до Бостон за посета кај Селтикс.
Резултати од НБА:
Орландо – Мемфис 123:119 по продолжение
Кливленд – Лос Анџелес Клиперс 108:110
Њујорк – Денвер 93:111
Торонто – Оклахома Сити 109: 116
Хјустон – Сан Антонио 111:105
Милвоки – Мајами 116:87
Лос Анџелес Лејкерс – Бруклин 106:111.
Ново на Сител
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот
-
Македонија се подготвува за седмите претседателски избори
-
Гласаат затворениците во Идризово