Харадинај: Доцневме, затоа немаше прес конференција со Могерини
Косовскиот премиер Рамуш Харадинај изјави дека во петокот во Брисел не одржал заедничка прес-конференција со високата претставничка за надворешна политика и безбедност на ЕУ Федерика Могерини поради „доцнење“ и дискусии кои „одземале малку повеќе време“, а не затоа што таа се навредила поради неговото барање да се зголеми учеството на САД во дијалогот меѓу Белград и Приштина.
Телевиозијата РТК2 пренесе дека Харадинај одржал прес конференција во Приштина по повод учеството на Советот за асоцијација и стабилизација во Брисел со Могерини.
- Објавивме заедничко соопштение, но немавме прес конференција затоа што доцневме. За некои теми се водеше дискусија на соодветен начин, така што ни одземаа малку повеќе време. Исто така ги известив европските функционери дека САД треба да имаат важна улога во процесот на дијалог, рече Харадинај.
И портпаролката на Могерини, Маја Коцијанчич во петокот како причина за откажувањето на прес конференцијата ја наведе пренатрупаната агенда на високата европска претставничка.,
Меѓутоа, според извори на Радио Слободна Европа, кои биле на состанокот, атмосферата од самиот почеток била тензична и кулминирала во моментот кога Харадинај наводно инсистирал на поголем ангажман на САД во дијалогот меѓу Белград и Приштина.
- Могерини ова го доживеа лично и нервозно ја напушти средбата и не се врати, изјавил неименувниот извор за РСЕ.
Прес конференција е дел од редовната агендата по годишните состаноци на советите за асоцијација и стабилизација.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка