Тенис
17. January 2021 - 9:35

Хаос во Мелбурн, сите во карантин или одложување на турнирот

Хаос во Мелбурн пред стартот на тенискиот грен слем за три недели откако три лица, од кои едниот е Силван Бруно, тренер на канадската тенисерка Бјанка Андрееску, имаа позитивни резултати за коронавирусот.
 
Организаторите, во согласност со протоколите за заштита од ширење на инфекцијата, одлучија сите што биле на спорните летови од Лос Анџелес и Абу Даби да бидат во двонеделен карантин.
За тенисерите тоа значи само една работа - тие ќе бидат заклучени во простории, каде ќе се чувствуваат како да се во затвор, без можност да се подготват за првиот Грен слем во сезоната.
 
Првите реакции на ваквата одлука се жестоки и неофицијално се знае дека во текот на денот се воделе бројни видео-разговори помеѓу играчите за тоа што понатаму да се прави во таква ситуација.
 
Романската тенисерка Сорана Кирстеа на социјалните мрежи изјави:
 
" Луѓето се жалат колку сме привилегирани. Немам проблем да останам во соба 14 дена и да гледам Нетфликс. Верувајте ми, тоа е остварување на сонот, дури и одмор. Она што не можеме да го направиме е да се натпреваруваме затоа што седиме на каучот 14 дена. проблем, а не карантинско правило “, напиша таа.
 
Таа подоцна го додаде следново:
 
" Потребни ми се најмалку три недели за да бидам во пристојна форма за да можам да се натпреварувам на највисоко ниво. Планирав да играм затоа што ми ветија дека ќе имаме пет часа на ден да тренираме додека сме во карантин, делот за вежбање во теретана и релаксирање. "Тоа беше договор пред ова, но правилата се сменија преку ноќ. Да ни кажеа порано дека ќе беше вака, немаше да патувам во Австралија", рече Кирстеа.

Како и да е, многу главоболки за сите во Австралија, а турнирот сè уште не е ни започнат.

Следните денови ќе покажат во која насока ќе одат понатаму затоа што евидентно е фактот дека играчите се во право и дека нема да им се дозволи да бидат игнорирани нивните приговори.