Свет
14. February 2020 - 10:22

Хаос на аеродромот во Атланта: Падна плафонот на ресторан, едно лице повредено

Дел од таванот се урна денеска на меѓународниот аеродром Хартсфилд - Џексон во Атланта, поради што едно лице побара лекарска помош, соопштија официјални лица од аеродромот.

До несреќата дошло нешто пред 8.00 часот утрото кај еден од најблиските главни терминали за домашен сообраќај, се наведува во соопштението од аеродромот, пренесува АП. Аеродромот не ја соопшти природата на повредите на лицет, но наведе дека е префрлено во болница.

На фотографиите на социјалните мрежи може да се видат работници во портокалова елеци кои го прегледуваат прозорецот од едната страна на паднатиот плафон, додека патниците на аеродромот стојат на другата стран. Поправите и истрагата за несреќата се во тек.

Рушењето на дел од таванот на ресторанот немало влијание врз авиосообраќајот на аеродромот.