Хан: Владата и опозицијата да се фокусираат на спроведување на итните реформски приоритети
Новата Влада заедно со опозицијата мора да се фокусира на имплементација на итните реформски приоритети и на Договорот од Пржино, за да ја вратат земјата назад на нејзиниот евроатлантски пат, вели еврокомесарот Јоханес Хан во интервју за European Western Balkans (europeanwesternbalkans.com).
Хан притоа посочува дека во однос на реформите во делот на владеење на правото го испраќа Рајнхард Прибе со неговиот тим да и помага на земјата.
- Како што и најавив, испраќам експерти за владеење на правото назад во Скопје за да го следат развојот на настаните во врска со препораките од 2015 година и да ја советуваат новата Влада за системски прашање од владеење на правото. Првото заминување на мисијата веќе се случи на 27 јуни, кога водачот на тимот Рајнхард Прибе го посети Скопје. По неговата посета целиот тим ќе го посети Скопје од 17 до 21 јули, вели Хан.
Во врска со спорот за името, тој истакнува дека ЕУ е подготвена да помогне во изнаоѓање решение.
- Ги цениме напорите на македонскиот премиер и неговата Влада да допрат до нивните колеги во Грција и во Бугарија. Важно е да се пронајде заеднички прифатливо решение за спорот околу името и за патот кој ќе води напред. ЕУ е подготвена да го помогне овој процес кој се води под покровителство на ОН и да ги олесни контактите ако е потребно, истакнува еврокомесарот Хан.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок