Балкан
1. January 2018 - 13:09

Хан: Оваа година ќе биде клучна за државите од Западен Балкан

Европскиот комесар за проширување и соседска политика Јоханес Хан нагласи денеска дека оваа година ќе биде клучна за државите од Западен Балкан. Тој на Твитер објави дека минатата година била полна со предизвици. 

- Да бидеме горди на заедничките достигнување, да ги засилиме напорите во полиња каде прогресот треба допрва да биде остварен, наведе Хан.

Според него, 2018 година ќе биде клучна за Западен Балкан и можност за уште поблиска соработка со сите партнери во заедничките предизвици. 

- На сите партнери, политичари и граѓани им посакувам мирна и среќна Нова година. Да ја обликуваме иднината заедно за нашата младина, наведе Хан.