Хан, Ховит, Кукан, Вајгл:Пропаѓање на договорот од Пржино ќе има сериозни последици
Еврокомесарот Јоханес Хан и членовите на Европскиот парламент Ричард Ховит, Едвард Кукан и Иво Вајгл, денеска преку соопштение изразија жалење што не може да се одржи лидерската средба планирана за 22 април во Виена.
- Оваа средба имаше цел да ѝ помогне на земјата да најде начин за напредок во имплементацијата на договорот од Пржино, со учество на сите потписнички на Спогодбата, стои во официјалното соопштение на комесарот Хан и Ховит, Кукан и Вајгл.
Тие во соопштението посочуваат дека постојаните проблеми со владеењето на правото во Скопје, кои го поткопуваат овој договор, мора да се решат без понатамошно одложување.
- Ова особено се однесува на неодамнешните помилувања од страна на претседателот и чекорите што се итно потребни за подготовка на веродостојни избори, кои би можеле да бидат признаени од страна на меѓународната заедница, се подвлекува во соопштенито.
Хан, Ховит, Кукан и Вајгл потенцираат дека остануваат цврсто посветени и се на располагање да им помогнат на партиите.
- Сепак, нагласуваме дека одговорноста да се постигне демократски напредок и да се напредува на евроатлантскиот пат зависи од самите партии, од име на граѓаните на нивната земја. Сега тие се на ред да постигнат нешто и да го дефинираат патот нанапред, порачуваат во соопштението.
Во соопштението стои дека тие постојано велат оти пропаѓањето на договорот од Пржино ќе има многу сериозни последици за земјата. Комесарот Хан и европратениците Ховит, Кукан и Вајгл изразуваат длабоко жалење за, како што се вели во соопштението, ретроградните чекори што ја оддалечуваат земјата од нејзините аспирации кон членство во Европската Унија.
- Во отсуство на каков било понатамошен напредок, сега сме принудени да разгледаме какви понатамошни активности се потребни за да се исполнат барањата јасно поставени од Европскиот совет, Европската комисија и Европскиот парламент. Ние, исто така, ги признаваме изјавите и акциите на граѓанското општество во земјата и ја изразуваме нашата целосна поддршка за сите мирољубиви напори да се обезбеди плурализам и слобода на мислењето, кои се централни вредности во сите европски демократии“, се подвлекува во соопштението.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари