Хамилтон победи во Кина и излезе на чело на табелата
Големата ѕвезда на Мерцедес, Луис Хамилтон го освои денешното Гран При на Кина, третиот круг од сезоната 2019 во Формула 1.
Петкратниот светски шампион започна втор, но уште на излез од првата кривина го претекна клубскиот колега Валтери Ботас и ја поведе колоната. До крајот, Луис не остави шанса на болидите зад себе и со леснотија го контролираше растојанието пред вториот Валтери во цела трка.
Така Британецот го смени на првото место пилотот од Финска и веќе е лидер на табелата со шест поени предност.
За третата позиција успеа да се избори Себастијан Фетел, за кого ова е прв подиум од почетокот на сезоната. Четирикратниот светски шампион прво мораше да се справи со тимскиот колега Шарл Леклер, а подоцна се одбрани од најбрзиот во оваа фаза од трката во Шангај, Макс Верстапен. Холанѓанецот го претекна со својот Ред Бул, но атрактивниот контранапад од страна на Себ на крајот му го донесе третото место во финалето.
Така Верстапен не успеа да ја исполни заканата и да му врати на Фетел по вчерашниот спор меѓу нив во квалификациите и остана зад него на четвртата позиција. Леклер не успеа да ги нападне првите тројца и заврши петти.
Во топ 10 влегоа уште Гасли (Ред Бул), Рикардо (Рено), Перез (Рејсинг Поинт), Раиконен (Алфа Ромео) и Албон (Торо Росо).
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово