Хамас и Фатах постигнаа договор за политичко помирување
Палестинските ривалски организации Хамас и Фатах постигнаа договор за политичко помирување, соопшти денеска лидерот на Хамас, Исмаил Ханија.
Деталите од договорот ќе бидат објавени на прес-конференција во текот на денот во Каиро.
Преговорите меѓу Хамас и Фатах почнаа во вторникот во Каиро.
Хамас уште на 11 септември соопшти дека е подготвена да преговара за помирување со Владата на палестинскиот претседател Махмуд Абас „без никакви предуслови“.
Во соопштението кое беше објавено по состанокот со египетските претстатвници во Каиро, Хамас посочи дека е подготвена да го распушти спорниот Комитет за управување со Газа, како што претходно бараше Абас.
Абас го запре снабдувањето на Газа со електрична енергија и ги намали платите на десетици илјади јавни службеници во обид да го принуди Хамас да го распушти Комитетот.
Хамас бараше од Абас да ги укине низата мерки преземени против исламистичката екстремистичка група пред да почнат преговорите за постигнување на договор за помирување.
Палестинскиот премиер Рами ал Хамдала, кој е член на Фатах, на почетокот од месецов го посети Појасот Газа, во рамки на обидите за помирување меѓу двете спротиставени палестински организации. Фатах има контрола врз Западниот Брег, додека Хамас повеќе од една деценија го контролира Појасот Газа. На средбата со претставници на Хамас, Хамдала рече дека единствениот пат кон државност е преку соработка меѓу двете организации.
Расколот меѓу ривалските палестински фракции се случи во 2007 година, кога Хамас од Газа ги протера силите лојални на Абас. Оттогаш имаше повеќе неуспешни обиди за помирување
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти