Хакирана австриската Народна партија на Себастијан Курц
На 3,5 недели пред предвремените парламентарни избори во Австрија хакирана се серверите на Народната партија (ОВП) на доскорешниот премиер Себастијан Курц.
Партијата соопшти дека им се украдени 1.300 Гигабајти податоци.
-Целта била да се влијае и манипулира со изборите, тврди Курц во изјава за виенскиот дневен весник „Естерајх“.
Конкретно, станува збор за серверот во седиштето на партијата во Виена, а како што велат „добро информирани кругови“, хакиран бил и пристапниот налог на Курц.
Неофицијално, во ОВП се соменваат дека зад нападот може да стојат руски разузнавачки кругови, но и приврзаници на турскиот претседател, кои и во минатото вршеле кибер напади врз оваа партија.
Курц изјави дека не сака официјално да зборува за инцидентот и за тоа кој би можел да стои зад нападот, но објасни дека ангажирал експерти тоа да го решат, кои впрочем и дошле до првите сознанија и докази.
На 27 јули напаѓачите успеале првпат да упаднат во серверот на ОВП. На 11 август, исто така, успеале да се инфилтрираат во мрежните компоненти и да ги компромитираат. Тогаш дури и ја презеле контролата врз административниот налог, истакнуваат од „Сајбертреп“, компанијата која го презела расветлувањето на хакерскиот напад
Хакерите не само што „украле“ огромно количество податоци, туку и добиле можност да „прават што сакаат“, а на тој начин можеле да минипулираат со сите податоци и пораки.
-Хакерите цели пет недели биле во системот на ОВП. Врската била прекината дури на 3 септември, додава компанијата истакнувајќи дека ваков напад многу чинел и можеле да го изведат само професионалци.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас