Хафтар: Ердоган и Сараџ го искористија примирјето и сега префрлаат платеници во Либија
Турција и Владата на Фајез Сараџ го искористија привременото примирје за префрлање на поголем број сириски платеници, турски војници, терористи и оружје во Триполи, преку море и воздух. Тоа е прекршување на примирјето. Ние имаме право да реагираме на тоа прекршување, изјави командантот на Либиската национална армија генералот Калифа Хафтар.
Тој додава дека Либиската национална армија ја поддржува идејата за поморски патроли на европските држави за да се спречи Турција да префрла оружје за Владата на националното единство во Триполи.
-ЕУ треба да ја контролира испораката на оружје за сириските и турските платеници -терористи кои пристигнаа во Триполи, преку Турција. Го поддржуваме организирањето европски поморски патроли кои ќе ја оневозможат Турција да продолжи да испорачува оружје и платеници во Триполи, изјави Хафтар.
Италија смета дека за почитување на ембаргото за испорака на оружје во Либија ефикасна мерка може да биде патролирање низ либискиот воздушен простор, во рамките на мисијата на ЕУ.
Хафтар вети дека Либиската национална армија ќе ги заштити Либијците од „турските освојувачи“ во случај на неуспех на преговорите во Женева.
-Како што зборувавме, нашето трпение е при крај заради постојаните прекршувања на примирјето на групите изнајмени од Ердоган и Сараџ и заради непочитувањето на обврските кои се преземени на Берлиснката конференција, рече генералот.
Ново на Сител
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија