Гутереш: Туризмот во светот со загуба од 320 милијарди долари, под ризик 120 милиони работни места
Околу 120 милиони работни места во туризмот на глобално ниво се изложени на ризик поради пандемијата со Ковид-19, кажа денеска генералниот секретар на Обединетите нации Антонио Гутереш, пренесе ДПА.
„Во првите пет месеци од оваа година, меѓународните туристички аранжмани се намалија за повеќе од половина и се изгубија околу 320 милијарди долари од извозот во туризмот“, се наведува во изјавата на Гутереш.
„Севкупно, на директен ризик се изложени околу 120 милиони работни места во туризмот,“ додаде тој, пренесен од германската агенција.
Со општества во карантин, заземјени авиони и затворени граници во многу делови од светот, Гутереш посочи дека особено се загрозени земјите во развој, вклучуваји ги и оние во Африка.
„Падот на приходите доведе до зголемено ловокрадство и уништување на живеалиштата во заштитените подрачја и околу нив, а затворањето на многу места на светското наследство ги лиши заедниците од витален живот“, додаде генералниот секретар на ОН.
Тој, исто така, има негативен ефект врз жените, руралните заедници и домородните народи, рече тој, истакнувајќи ја важноста за обнова на секторот туризам, бидејќи вработува едно од секои 10 лица, додаде ДПА.
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција