Гутереш: На Јемен му се заканува масовна глад, треба да прекине насилството

Генералниот секретар на Обединетите нации, Антонио Гутереш предупреди дека Јемен може да се соочи со „најстрашната глад што сме ја виделе со децении“ и ги повика непријателските земји на арапската држава да го прекинат насилството.

Гутереш изјави денеска пред новинарите дека „итноста на хуманитарната криза не остава простор за задоволство“ и дека треба да се искористи моментот за постигнување мир.

Генералниот секретар ја повика коалицијата предводена од Саудиска Арабија и шиитските бунтовници да „ги надминат бариерите и да ги решат нивните разлики“ на претстојната средба со посредство на ОН, закажана за крајот на овој месец.

Гутереш наведе и дека земјите во конфликтот треба да дозволат трговски и хуманитарен увоз на храна, гориво и други основни потреби.