Гутереш: Бранот од мигранти кон Европа соочен со недостиг на финансии за хуманитарна помош
Комбинираните ресурси на агенциите на Обединетите нации, Црвениот крст и хуманитарните организации повеќе не се во состојба да обезбедат заштита и помош за спасување на животот на 60 милиони луѓе раселени поради војни и протерувања, изјави високиот комесар на ОН за бегалци, Антонио Гутереш.
Тој пред Комитет за човекови права на Генералното собрание на ОН истакна дека масовниот прилив на Сиријци, Ирачани, Авганистанци и Еритрејци во источниот дел на Средоземното Море ова година е соочен со недостиг на финансирање на за хуманитарните потреби.
Високиот комесар нагласи дека владите, поединечни личности, компании и фондации доставиле до Високиот комесаријат на ОН за бегалци (УНХЦР) рекордни вкупно 3,3 милијарди долари минатата година.
Тој сепак нагласи дека буџетите за хуманитарна помош не се доволни за да ги покријат дури и минималните хуманитарни потреби.
Над четири милиони Сиријци по неколку години живеење во прогон во соседните земји ја потрошиле својата заштеда и загубиле надеж за политичко решавање на речиси петгодишниот конфликт.
- Околу 70 отсто од сириските бегалци во Либан живеат во крајна сиромаштија, а 86 отсто во градските обласи на Јордан живеат под прагот на сиромаштијата во земјата, рече Гутереш.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари